Reddit’нинг Силент Мовиэ Gifс бўлимида фойдаланувчилар овозсиз фильмлардан олинган gif-тасвирларни ўзаро улашади. Яқинда бўлим аъзолари 100 йил аввалги киноларда махсус эффектлар қандай яратилганлигини тушунтирувчи gifлар жамланмасини эълон қилди, деб хабар бермоқда Meduza.
«Хавфсизлик — энг охирги масала» (1923)
Кадрда актёр Гаролд Ллойд соат стрелкасини ушлаган ҳолда унинг сиферблатига осилиб турибди. Сиферблат аста корпусдан ажралиб чиқади ва Ллойднинг қаҳрамони ҳам шаҳар устида осилиб қолади.1923 йилда тасвирга олиш учун рир-проексияни қўллаш имконияти бўлмаган. Бунинг ўрнига тасвирчилар перспектива воситаларидан фойдаланишган — бино томига декорация ўрнатилган ва кадр аниқ бир бурчак остида тасвирга олинган.
«Янги замон» (1936)
Чарли Чаплин савдо маркази бўйлаб роликли конькида учиб юриб, балконининг тўсиғи бўлмаган чеккасига келиб қолади.Декорациянинг бир қисми (айнан шу саҳнада — пастки қават) камера олдига жойлаштирилган ойнага чизилган бўлган.
«Элла Синдерс» (1926)
Актриса Коллин Мурнинг кўзлари турли томонга ўйнаб туради.Бу ҳам ойна ёрдамида яратилган эффект. Мурнинг юзини ярми қорага бўялган ойна билан ёпиб турилган. Биринчи саҳна тасвирга олинганидан кейин кинотасма орқага қайтарилган, ойна юзнинг иккинчи ярмига жойлаштирилган ва қайта тасвирга олинган.
«Бен-Гур: Исо Масиҳ тарихи» (1925)
Исо Масиҳ мохов қизларни даволаётган саҳна.Бу эффектни яратиш учун тасвирчи Карл Штрусс рангли фильтрлардан фойдаланган. Фильтрлар ўзгартирилган пайтда мохов қизлар ролини ўйнаётган актрисаларнинг грими тасмада кўринмай қолади.
«Кичкина лорд Фонтлерой» (1921)
Актриса Мери Пикфорд битта кадрда иккита бўлиб кўринади.«Кичкина лорд Фонтлерой» битта кадр актёр иккита бўлиб қолган биринчи фильм эмас. Бу фильм чиқишидан бир неча йил аввал кинематограф Жорж Мелес битта кадрда бир неча марта пайдо бўлишни жилосиз ойна ва иккиланган намойиш орқали ҳосил қилиш мумкинлигини тушунтириб берган.
Камера уни қимирлатмасдан тутиб тура оладиган металл каркасга жойлаштиришган. Дастлаб Пикфорднинг ўтирган ҳолатдаги саҳнаси тасвирга олинган. Шу вақтнинг ўзида актриса жуссасининг шакли жилосиз ойнага чизилган. Кейин тасма орқага қайтарилган. Янги саҳнада Пикфорд камера олдида жойлаштирилган ўз жуссасининг тасвирини ўпган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)