Америкалик рэперлар Канье Уэст ва Жей Зи ярашиб олди ва қўшма мусиқий лойиҳа устида иш бошлашни режалаштирмоқда. Бу ҳақда куни NME маълум қилди.
Артистларга яқин манба янги материал мислсиз бўлишини маълум қилди. «Канье ўзига кела бошлади. Ўтган йили у бошдан кечирганларни ҳисобга олганда баъзи янги треклар ҳайратга соладиган даражада ажойиб бўлади. Унинг устози ва ‘катта акаси’ Жей Зининг эътиборли ғамхўрлиги туфайли бу буюк асар бўлади», — дея қўшимча қилди у.
2016 йилнинг октябрида Уэст асаб бузилиши ва шифохонага ётқизилишидан аввал Жей Зи ва унинг рафиқаси Бейонсега таъна ёғдирган эди. Уэст рафиқаси Ким Кардашьянга Парижда ўғрилар ҳужум қилганда дўсти уни етарлича қўллаб-қувватламаганлигини маълум қилди.
Бундан ташқари, рэпер саҳнада туриб Жей Зи уни ўлдириш учун киллер ёллаганлигини билдирди.
Канье Уэст продюссер сифатида Жей Зи билан кўп марта ҳамкорлик қилган. 2011 йилда Уэст ва Жей Watch The Trone деб номланган қўшма альбомини чиқарган. Иккала артист ҳам Forbes талқинига кўра, энг бой рэперлар ўнлигига киради.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)