АҚШ Давлат котиби Жон Керри «Пхеньян ва Вашингтон ўртасидаги муносабатлар энг қуйи даражага тушиб қолиши»га сабабчи бўлди. Бу ҳақда КХДР ташқи ишлар вазирлиги вакили маълум қилди. Керри Давос иқтисодий форумида Шимолий Кореяга нисбатан салбий фикрлар билдирганди, деб хабар беради «ТАСС».
КХДР ташқи ишлар вазирлиги Керри «АҚШнинг THAAD ракета комплекслари Жанубий Кореяда жойлаштирилиши Шимолий Корея ядро қуроли ва унинг беқарор, ўзини тийиб туролмайдиган етакчисига қарши туришга имкон бериши» ҳақидаги гаплари билан «халқ республикасининг олий раҳбарияти шаънини таҳқирлаган» ҳисобламоқда.
Шимолий Корея ташқи сиёсий маҳкамаси бу сўзларни «Шарқда ядро давлатига айланишнинг уддасидан чиққан халқ республикаси муваффақиятларидан тушкунликка тушган омадсиз шахснинг сафсатаси», деб баҳолади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)