АҚШнинг сайланган президенти Дональд Трамп бугун, 20 январь куни бўлиб ўтадиган инаугурациядан кейин дарҳол Конгресснинг розилиги талаб этилмайдиган бир қатор ижро фармонларини имзоламоқчи. Бу ҳақда Трампнинг ёрдамчиларига таяниб, Reuters хабар берди, деб ёзади «Коммерсантъ».
Сайланган президентнинг матбуот котиби Шон Спайсернинг айтишича, Дональд Трамп «нафақат биринчи кунни, балки иккинчи, учинчи кунларни ҳам кун тартибидаги реал ўзгаришларни қабул қилишга бағишлайди».
Хабарларга кўра, Оқ уйдаги биринчи куни Американинг янги президенти Мексика билан чегарада девор қуриш ва иммиграцияни чеклаш учун илк қадамларни босишга тайёр. Шунингдек, иш кучининг кексайиш даражасини пасайтириш учун хизматчиларни ишга жойлаштиришга федерал мораторий киритилиши кутилмоқда.
Бугун нечта фармон тасдиқланиши ҳозирча аниқ эмас. Бундан ташқари, Трамп Барак Обаманинг баъзи фармонларини бекор қилиш ниятида эканлиги айтилмоқда.
Изоҳ (0)