Сафарларга онаси билан борадиган, карьерасини якунлашдан қўрқадиган ва Ана Ивановични энг чиройли теннисчи деб биладиган Денис Истомин

Австралия очиқ чемпионатининг иккинчи босқичида Новак Жоковични мағлуб этган Денис Истомин билан интервью «Uz.24.uz» нашри томонидан тақдим этилди. Суҳбат давомида Ўзбекистоннинг биринчи рақамли ракеткаси унинг муваффақиятларига онаси сабабчи экани ҳақида айтиб ўтди.

Онам — менинг мураббийим. Тинимсиз парвозларим давомида у менга тез-тез ҳамроҳлик қилади. Жароҳатимдан кейин катта спортга қайта олганим мен учун мўъжиза бўлганди. Автоҳалокатга учрагандим, оғир ўтганди ҳаммаси. Ўшанда ҳам онам суянчиғим бўлган. У менга умид берган, тўлқинлантирган.Денис Истомин, Ўзбекистоннинг биринчи ракеткаси

Теннисчи суҳбат давомида ўтмишга боқиши ва нимадан қўрқишига ҳам ойдинлик киритган.

Бу дунёда мени қўрқита оладиган нарсалар кўп деб ўйламайман. Ўйлашимча, вақти келиб карьерамни якунлашим чўчитади. Бу осон ўтиб кетмаслигини ҳис қиламан.

Ўтмишни эслаб туришга ҳозир вақтим йўқ. Балки ўша вақтларда нимадандир нолигандирман, ҳозир эса йўқ. Мен ортга назар ташлашни эмас, фақат олдинга қадам босишни ўйлайман.

Денис Истомин, Ўзбекистоннинг биринчи ракеткаси