Егулик тополмай йўловчиларга мўлжалланган сэндвични еб қўйган стюардесса ишдан бўшатилди

EasyJet авиакомпаниясининг борт кузатувчиси парвоз вақтида беконли сэндвич еганлиги сабабли ишдан бўшатилди. Бу ҳақда Daily Mail’га таяниб, «Газета.ru» хабар бермоқда.

Стюардесса Шеннон Глисоннинг сўзларига кўра, унинг ёнғоқларга аллергияси бўлган ва ўзининг биринчи халқаро парвози вақтида сэндвичдан бошқа егулик топа олмаган. Бироқ қиз ўзини тутиш қоидаларини қўпол равишда бузганлиги ва ўғрилик учун ишдан бўшатилган.

Таъкидланишича, компания самолёт бортида воқеа содир бўлган 2015 йил 3 январдан кейингина уни ўрганишни бошлаган. Экипаж аъзоларидан бири Глисон ва салон менежери йўловчилар учун мўлжалланган сэндвични еганини кўрганлигини айтиб берган.

Қиз бўлиб ўтган воқеа учун узр сўраган ва сэндвичнинг қийматини тўлашни таклиф қилган, бироқ у менежер билан бирга ишдан бўшатилган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.