Ўзбекистонда хизмат кўрсатган артист, хонанда Лола Аҳмедова машҳур кишилар ҳар қандай ҳолатда ҳам муҳокамага маҳкум эканини тўғри тушунишини маълум қилди. Санъаткор бу ҳақда «Darakchi.uz»га берган интервьюсида айтиб ўтди.
Хонанданинг айтишича, авваллари у бошқаларнинг фикри билан кўп ҳисоблашган, бироқ вақт ўтиши билан ҳаётга қарашлари ўзгарган. У бировга ёқиш учун ўзига ёқмаган ишни қилишим керак эмас, деб ҳисоблайди.
Бошқаларнинг фикри билан аввалари кўп ҳисоблашардим. Ҳозир ҳаётга бўлган қарашларим ўзгарган. Тўғри, элнинг назарида бўлганим учун одамларнинг фикрига қулоқ тутишим керак. Аммо кимгадир ёқиш учун ўзимга ёқмаган ишни қилишга мажбурмасман. Санъаткор бўлганимиздан кейин, яхшимизми-ёмонмизми, муҳокамага маҳкуммиз. Кимларнингдир мен ҳақимдаги салбий фикрларидан таъсирланмайман. Виждоним ва яқинларим олдида юзим ёруғлиги муҳимроқ мен учун.Хонанда, шунингдек, сўнгги вақтларда ўзини энг кўп таъсирлантирган қўшиқ ҳақида ҳам айтиб, тенгдош ва ёш қўшиқчилардан кимларнинг ижодини севиб тинглашини ҳам айтиб ўтди.Лола Аҳмедова, Ўзбекистонда хизмат кўрсатган артист
Охирги марта Шуҳрат Дарёнинг жонли ижродаги концертига тушиб йиғладим. Ҳозир аниқ номини эслолмайман, муҳаббат ҳақидаги тароналаридан биридан жуда таъсирландим. Жуда чиройли, сўзи ҳам, куйи ҳам юракка етиб борадиган қўшиқ эди. Ботир Қодиров, Алишер Файзнинг ижоди ёқади. Севара Назархонни тинглайман. Олис сафарга отланганимда, йўлда Гулсанам Мамазоитованинг оғир қўшиқларини эшитаман. Ҳилола Ҳамидованинг «Муҳаббат бахти» номли қўшиғини жуда яхши кўраман, мана шу қўшиқ менда бўлганда эди, дея ҳавас ҳам қилганман. Ёшлардан Зиёданинг ижоди ёқади.Аввалроқ Лола Аҳмедова ўз фарзандларига ҳавас қилиши, улар бахтли ҳаёт кечираётганини айтиб, ўзининг болалиги бахтли бўлмаганини айтиб ўтган эди.Лола Аҳмедова, Ўзбекистонда хизмат кўрсатган артист
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)