Ким Кардашьяннинг буюмлари ўғирланиши иши бўйича Пьеро лақабли 72 ёшли наркодилер қўлга олинди

Ким Кардашьяннинг буюмларини ўғирлаш иши бўйича Францияда ҳибсга олинган гумонланувчилар орасида бунгача наркотик моддалар савдоси туфайли судланган, жиноятчилик оламида Пьеро номи билан машҳур 72 ёшли наркодилер Пьер Б. ҳам бор. Бу ҳақда Meduza хабар бермоқда.

Сўнгги йилларда Франция жанубидаги жиноий гуруҳлар фаолияти сабабли доимо гумонда бўлиб келган Пьеронинг жиноят оламидаги лидерлардан бири Марсель Тони Коссю билан яқин эканлиги айтиб келинади.

France Presse агентилигининг хабарига кўра, Кардашьянга нисбатан талончиликда 5 киши асосий гумондор ҳисобланиб, уларнинг энг кичиги 54 ёшда. Ўз ўрнида, Le Figaro’нинг ёзишича, жиноятда келиб чиқиши жазоирлик бўлган ота ўзининг икки ўғли билан иштирок этган.

Эслатиб ўтамиз, муқаддам Кардашьян Париждаги меҳмонхонада номаълум шахслар тарафидан гаровга олингани маълум қилинган эди. Ким Кардашьян полицияга кўрсатма бериши ҳамон Франция ҳудудини хусусий самолётда тарк этган этиб, ўзига 20 та шахсий тансоқчи ёллаган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.