Bugun,

  • USD 10940.05
  • RUB 182.26
  • EUR 11121.65

O‘zbekistonda xizmat ko‘rsatgan artist, xonanda Lola Ahmedova “Darakchi.uz”ga bergan intervyusida oilasi, farzandlari va o‘zining bolaligi haqida fikr bildirdi.

Foto: “Tarona.net”

Foto: “Tarona.net”

Xonanda bundan to‘qqiz oy avval ikkinchi marta ona bo‘lgan. Ahmedovaning aytishicha, u hozirda ijoddan to‘xtamagan bo‘lsa-da, asosiy e’tibori — kenja o‘g‘li Muhammadalida.

Farzandlarimni sog‘-omon ulg‘aytirish — muhim vazifa. Kichkinam Muhammadali hali to‘qqiz oylik. Ijodiy faoliyatdan to‘xtamagan bo‘lsam-da, baribir, e’tiborimning katta qismi kenjatoyimga qaratilgan. Biror soatga uydan uzoqlashsam, “tagi quruqmikan?”, “qorni to‘qmikan?”, deb o‘ylayveraman. Ijodda ham sekin-sekin faollasharman. Hozir bolalarimning parvarishi muhim.

Lola Ahmedova, O‘zbekistonda xizmat ko‘rsatgan artist

Xonanda o‘zining bolaligi oson kechmaganini yodga olarkan, hozirgi zamon bolalariga havas qilishini aytadi.
Ularga, avvalombor, havas qilaman. Tinch va baxtli zamonning farzandlari. Beg‘ubor, beg‘am davrlarini yashashayapti. Menda baxtli bolalik bo‘lmagan. Bolaligim qiyinchilikda, onamga yordam berish bilan o‘tgan. Shungami, bolalarim yaxshi sharoitda o‘sishini va bilim olishini istayman. Dadasi ikkimiz doim shunga harakat qilamiz. Yaqinda Islombek uyimiz yonidagi do‘kondan non olib chiqdi. Uning katta bo‘lib qolganini ko‘rib, xursandligimdan ko‘zim yoshlandi.

Lola Ahmedova, O‘zbekistonda xizmat ko‘rsatgan artist

Ayni vaqtda, xonanda o‘zining shaxsiy hayotini omma ko‘zidan saqlashda bundan buyon ham qat’iy davom etadi.
Baxt sukunatni yaxshi ko‘radi, degan gap bor. E’tibor bersangiz, men oilam haqida hadeb gapiravermayman. Ko‘z, nazar degan gaplar bor. Doimo yaxshi narsalarimni, ya’ni baxtimni asrashga harakat qilaman. Bir ayol baxtli bo‘lishi uchun nimaiki kerak bo‘lsa, shukr, hammasi bor menda.

Lola Ahmedova, O‘zbekistonda xizmat ko‘rsatgan artist

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

 

Izoh
Asosiy yangiliklar
Mahalliy
Samarqandda noqonuniy mayning ferma aniqlandi
Salomatlik
Yutinganda tomoq og‘rib, quloqqa tarqalsa, qanday yo‘l tutish kerak?
Sport
Murodjon Ahmadaliyev IBF kamari uchun himoya jangini o‘tkazadi