Ўзбекистонда хизмат кўрсатган артист, хонанда Лола Аҳмедова «Darakchi.uz»га берган интервьюсида оиласи, фарзандлари ва ўзининг болалиги ҳақида фикр билдирди.
Хонанда бундан тўққиз ой аввал иккинчи марта она бўлган. Аҳмедованинг айтишича, у ҳозирда ижоддан тўхтамаган бўлса-да, асосий эътибори — кенжа ўғли Муҳаммадалида.
Фарзандларимни соғ-омон улғайтириш — муҳим вазифа. Кичкинам Муҳаммадали ҳали тўққиз ойлик. Ижодий фаолиятдан тўхтамаган бўлсам-да, барибир, эътиборимнинг катта қисми кенжатойимга қаратилган. Бирор соатга уйдан узоқлашсам, «таги қуруқмикан?», «қорни тўқмикан?», деб ўйлайвераман. Ижодда ҳам секин-секин фаоллашарман. Ҳозир болаларимнинг парвариши муҳим.Хонанда ўзининг болалиги осон кечмаганини ёдга оларкан, ҳозирги замон болаларига ҳавас қилишини айтади.Лола Аҳмедова, Ўзбекистонда хизмат кўрсатган артист
Уларга, авваломбор, ҳавас қиламан. Тинч ва бахтли замоннинг фарзандлари. Беғубор, беғам даврларини яшашаяпти. Менда бахтли болалик бўлмаган. Болалигим қийинчиликда, онамга ёрдам бериш билан ўтган. Шунгами, болаларим яхши шароитда ўсишини ва билим олишини истайман. Дадаси иккимиз доим шунга ҳаракат қиламиз. Яқинда Исломбек уйимиз ёнидаги дўкондан нон олиб чиқди. Унинг катта бўлиб қолганини кўриб, хурсандлигимдан кўзим ёшланди.Айни вақтда, хонанда ўзининг шахсий ҳаётини омма кўзидан сақлашда бундан буён ҳам қатъий давом этади.Лола Аҳмедова, Ўзбекистонда хизмат кўрсатган артист
Бахт сукунатни яхши кўради, деган гап бор. Эътибор берсангиз, мен оилам ҳақида ҳадеб гапиравермайман. Кўз, назар деган гаплар бор. Доимо яхши нарсаларимни, яъни бахтимни асрашга ҳаракат қиламан. Бир аёл бахтли бўлиши учун нимаики керак бўлса, шукр, ҳаммаси бор менда.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Лола Аҳмедова, Ўзбекистонда хизмат кўрсатган артист
Изоҳ (0)