«Хиппимобиль», «Боғ машина»: Келажакнинг 6 автомобили (фотогалерея)

«Мотор» нашри Детройт автошоусида намойиш қилинган келажакнинг 6 автомобили прототипи суратларини бир саҳифага жамлади. Улар орасида «Хиппимобиль», «Боғ машина» ва бошқаларни учратиш мумкин.

Volkswagen I.D. Buzz

Volkswagen I.D. Buzz – электр тизимида ишлайдиган «Хиппимобиль»нинг замонавий варианти. Машина катта каравотга айланадиган уч қатор ўриндиқлар ва ҳайдовчисиз бошқариш тизимига эга.

Ушбу модель қайта қувватланишсиз 600 километр масофани босиб ўта олади. Машина 5 сония ичида 100 километр тезликка чиқа олади. Унинг максимал тезлиги эса соатига 160 километрни ташкил этади.

Audi Q8

Q8 модели Audi йўлтанламасининг бўлажак купесимон прототипи. Узунлиги 5 метрга тенг автомобилнинг ғилдирак асосий 3 метрни ташкил этади. Audi Q8 333 от кучига эга олти цилиндрли мотор ҳамда 136 от кучига эга электромотор билан жиҳозланган.

Audi Q8 модели BMW X6 ва Mercedes-Benz GLE Coupe’га рақобатчи бўлади. Мазкур машина 2018 йилда ишлаб чиқарилиши кўзда тутилган.

Nissan Vmotion 2.0

Nissan Vmotion 2.0 нинг устунлиги – бир-бирига қараб очиладиган эшикларида. Маниша интерьери «забрано» ёғоч тахтасидан ишланган. Салон ичига мультимедия тизимини бошқарадиган тачпад ўрнатилган.

Прототип ҳайдовчисиз ҳайдаш тизими ва Bose аудиотизими билан жиҳозланган.

Infiniti QX50

Янги авлод QX50 кроссовер прототипи ҳайдовчисиз бошқариш тизимига эга ва мутлақо янги бензинли ВC-Турбо двигатели билан жиҳозланган.

Infiniti QX50 моделида 272 от кучига тенг 2 литрли турбомотор ўрнатилган бўлади. QX50 2018 йилда сотувга чиқиши кутилмоқда.

Rinspeed Oasis

Швейцариянинг Rinspeed компанияси Детройтга антиқа консептлардан бирини олиб келди. Ихчамгина электрокарда ўсимликларни етиштириш учун махсус жойи бор.

Автомобиль мустақил равишда суратлар олиб, Instagram’га жойлай олади. Маниша ғилдираклари стол ва голографик проекторга айлана олади.

Lexus UX

Детройт моторшоусида Lexus UХ кроссоверининг тақдимоти бўлиб ўтди. Бундан аввал у 2016 йилнинг кузида Парижда намойиш этилганди.

Машинанинг ажралиб турадиган хусуситялари – электрохром ойналар ва махсус суянчиқли кинетик ўриндиқлар.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.