“Motor” nashri Detroyt avtoshousida namoyish qilingan kelajakning 6 avtomobili prototipi suratlarini bir sahifaga jamladi. Ular orasida “Xippimobil”, “Bog‘ mashina” va boshqalarni uchratish mumkin.
Volkswagen I.D. Buzz
Volkswagen I.D. Buzz – elektr tizimida ishlaydigan “Xippimobil”ning zamonaviy varianti. Mashina katta karavotga aylanadigan uch qator o‘rindiqlar va haydovchisiz boshqarish tizimiga ega.
Ushbu model qayta quvvatlanishsiz 600 kilometr masofani bosib o‘ta oladi. Mashina 5 soniya ichida 100 kilometr tezlikka chiqa oladi. Uning maksimal tezligi esa soatiga 160 kilometrni tashkil etadi.
Audi Q8
Q8 modeli Audi yo‘ltanlamasining bo‘lajak kupesimon prototipi. Uzunligi 5 metrga teng avtomobilning g‘ildirak asosiy 3 metrni tashkil etadi. Audi Q8 333 ot kuchiga ega olti silindrli motor hamda 136 ot kuchiga ega elektromotor bilan jihozlangan.
Nissan Vmotion 2.0
Nissan Vmotion 2.0 ning ustunligi – bir-biriga qarab ochiladigan eshiklarida. Manisha interyeri “zabrano” yog‘och taxtasidan ishlangan. Salon ichiga multimediya tizimini boshqaradigan tachpad o‘rnatilgan.
Infiniti QX50
Yangi avlod QX50 krossover prototipi haydovchisiz boshqarish tizimiga ega va mutlaqo yangi benzinli VC-Turbo dvigateli bilan jihozlangan.
Rinspeed Oasis
Shveysariyaning Rinspeed kompaniyasi Detroytga antiqa konseptlardan birini olib keldi. Ixchamgina elektrokarda o‘simliklarni yetishtirish uchun maxsus joyi bor.
Lexus UX
Detroyt motorshousida Lexus UX krossoverining taqdimoti bo‘lib o‘tdi. Bundan avval u 2016-yilning kuzida Parijda namoyish etilgandi.
Mashinaning ajralib turadigan xususityalari – elektroxrom oynalar va maxsus suyanchiqli kinetik o‘rindiqlar.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)