Ўзбекистон миллий терма жамоаси сафида энг кўп ўйин ўтказган Сервер Жепаров Теҳроннинг «Истиқлол» клуби билан шартнома тузди. У тиббий кўрикдан муваффақиятли ўтди, деб хабар берди ЎФФ матбуот хизмати.
Клуб ва футболчи ўртасидаги шартнома 1,5 йилга мўлжалланган бўлиб, бу вақт давомида Жепаров 500 минг доллар маош олади. У ўзини кўрсатиб, «Истиқлол» муваффақиятларга эриша олса, бонус сифатида мукофот пулларига ҳам эга чиқади.
«Истиқлол» Эрон чемпионатининг сўнггисини 3-ўринда якунлаган бўлиб, айни пайтда 5-ўринда бормоқда. Вазиятни ўнглаш учун клуб Осиёнинг 2008 ва 2011 йилдаги энг яхши футболчиси билан шартнома тузишга қарор қилди.
Жепаров 2016 йилги мавсумни Тошкентнинг «Локомотив» клубида ўтказган бўлиб, 34 ёшида 34 та ўйин ўтказган ва 8 та гол уришга муваффақ бўлганди. Айнан унинг ташрифидан кейин «темирйўлчилар» ўз тарихида илк бор мамлакат чемпионлигини қўлга киритганди.
Жепаров карьераси
«Навбаҳор» — 2000—2001«Пахтакор» — 2001—2007«Бунёдкор» — 2007—2010«Сеул» (Жанубий Корея) — 2010—2011«Аш-Шабаб» (Саудия) — 2011—2013«Сеонгнам» (Жанубий Корея) — 2013—2014«Улсан Хюндаи» (Жанубий Корея) — 2015«Локомотив» Тошкент — 2016Сервер Жепаров «Сеул» клуби билан Жанубий Корея (2010) чемпионлиги ва Кубоги (2010), «Аш-Шабаб» билан Саудия Арабистони чемпионлигини (2012) қўлга киритган. Шунингдек, у Тошкентнинг уч клуби — «Пахтакор» (2002, 2003, 2004, 2005, 2006, 2007), «Бунёдкор» (2008, 2009) ва «Локомотив» (2016) сафида Ўзбекистон чемпиони бўлишга эришган.
Изоҳ (0)