АҚШ тарихидаги энг йирик молиявий пирамида асосчиси бўлган Бернард Мейдофф қамоқхонада қайноқ шоколад савдосини қўлга олди. Бу ҳақда маҳбусни кўргани борган журналистлардан бири маълум қилди, деб хабар беради Fox News.
«У қамоқхона дўконида Swiss Miss кукуни бўлган барча ўрамларни сотиб олиб, кейинчалик сайр учун ҳовлида маҳбусларга фоизи билан сотди. Мейдофф қайноқ шоколад ичишни истаганлар фақат ундан ичимлик сотиб олишини уюштирди», — ҳикоя қилади журналист.
Маълумот учун, Nasdaq биржаси директорлар кенгаши раиси ва Bernard L. Madoff Investment Securities фирмаси асосчиси Мейдофф 150 йиллик қамоқ жазосига ҳукм қилинган. У 2008 йилда ҳибсга олинган ва 11 модда, жумладан, маблағдан ноқонуний фойдаланиш, ёлғон гувоҳлик бериш ва фирибгарликда айбланганди.
Изоҳ (0)