Сўнгги етти йил ичида Ньюарк ва Ла-Гуардия аэропортларида парвозлар хавфсизлигини таъминлаш учун Нью-Йоркда 70 мингдан ортиқ қушлар ўлдирилди, деб ёзади «РИА Новости» The Guardian’га таяниб.
Журналистлар ишонтиришича, шаҳар ҳукумати 2009 йилда Гудзон дарёсига A320 самолёти аварияли қўнишни амалга оширгач, паррандалардан қутулишга қарор қилган. Ўшанда экспертлар самолётнинг иккита двигатели ишламай қолишига лайнернинг Канада казаркалари (ёввойи ғоз тури) галаси билан тўқнашиб кетгани сабаб бўлганини айтган эди.
«Аммо қушларнинг йўқ қилиниши вазиятни яхши томонга ўзгартирган-ўзгартирмаганлиги ноаниқ», — дейилади мақолада. Муаллифлар қанотлилар иштирокидаги ҳодисалар сони икки карра ошганидан дарак берувчи аэропортлар ички статистикасига асосланди. Унга кўра, 2004—2009 йилларда қушларнинг авиалайнерлар билан тўқнашишига оид 158 та ҳолат, 2007 йилдан ҳозиргача эса 299 та ҳолат қайд этилган.
Изоҳ (0)