Бразилия соғлиқни сақлаш расмийлари Минас-Жерайс штатида сариқ безгак туфайли оламдан ўтгани тахмин қилинаётган 36 кишининг ўлими сабабларини ўрганмоқда. Бу ҳақда «РИА Новости» хабар берди.
Штат соғлиқни сақлаш вазирлигига кўра, ҳозирда 133 эҳтимолий касаллик ҳолати аниқланди. Минас-Жерайс губернатори Фернанду Пиментал штат ҳудудида фавқулодда ҳолат эълон қилди.
Касаллик штатнинг 24 муниципийида кузатилди. Хусусан, 12 шубҳали ўлим қайд этилган ва 29 киши касалликка чалингани гумон қилинаётган Ладаинья шаҳрида хавотирли вазият юзага келгани билдирилмоқда.
Изоҳ (0)