Янги чарм курткани, чарм ҳамённи ҳидлаганингизда ёки янги духоба кўйлак кийганингизда, севимли ҳидларни атир шишасида кўришни ҳеч ўйламаганмисиз? 2015 йилда YSL парфюмерия уйи «кийим-кечак» ҳидлар коллекцияси билан тўлдирилди. Энди эса Le Vestiaire Des Parfums яна уч матони мадҳ этувчи янги хушбўй ҳидларни тақдим қилди.
Асосий янгилик – чарм ҳидли янги Cuir ифори. Унинг муаллифи – парфюмер Илиас Эрменидис. Таркибининг асосий қисми ром, тамаки ва дағал чармдан иборат. Шунингдек, қора чой ва занжабил (имбир)нинг сеҳрловчи ҳидлари ҳам қўшилиб ажойиб композиция яратилган.
Иккинчи янгилик винилга бағишланган. Парфюмер Жюлетт Карагеузоглу яратган бу янги ифорни хушбўй қалампир, бергамот, анис олмаси ва бўзноч ўсимлигининг муаттар ҳидлари ташкил қилади.
Velours духобага бағишлаб яратилган. Муаллиф Карлос Бенаим томонидан яратилган бу ифор таркиби қора чой, ладан, ясмин ва гулсафсарнинг хушбўй ҳидларидан ташкил топган.
Изоҳ (0)