Ёшни катта қилиб кўрсатувчи кийимлар

Шундай кийимлар бўладики, қиёфангизни бузиб ёшингизни каттароқ қилиб кўрсатади. Бу ҳолга тушмаслик учун қандай кийимларни сотиб олмаслик керак?

Ретро-классика

Капалак нусха қилиб боғланган тасмали оқ кофта, узунлиги тиззадан пастда бўлган тўғри бичимдаги юбка ва бўйиндаги марварид шодаси – буларнинг ҳар бирини алоҳида олганда энг урфдаги кийимлар ҳисобланади. Лекин уларни бир вақтда ва бир қиёфада бирлаштирсангиз камида 20 ёш катта кўриниб қоласиз.

Кенг бичимли кийимлар

Ёш аёлларга қоматига мос бичимдаги кийимлар ярашади. Трикотаж кофталар, шаклсиз майкалар, туникалар эса ёш қизларга ва талабаларга мос тушади.

Оддий камар

Стилистлар фикрича, ингичка камар шим ва жинсилар билан тақилса, кенг камар эса кийим устидан белга урғу бериш мақсадида тақилади.

Шойи рўмол

Кўпчилик аёллар одатда рўмолни бўйинга ўраб, икки учини елкадан ташлаб қўйишади. Ёрқин рангли рўмолларни узунасига буклаб, замонавий кинолардагидек учларини бўйнингиз орқасидан боғлаб қўйсангиз ярашиб тушади.