Ҳар бир уйда кераксиз, аммо ташлашга кўзингиз қиймайдиган нарсалар бўлади. Мақоламиз бундай нарсалардан бошқа мақсадларда ҳам фойдаланиш мумкинлиги тўғрисида ёзилган.
Чангютгич трубаси охирига эски колготка парчасини жойлаштириб, уйда зирак ва шунга ўхшаш майда-чуйда йўқолган нарсаларни кўриш қийин бўлган жойлардан чангютгич ёрдамида излаб топсангиз бўлади.
Пиширган қуймоғингиз бир хил катталикда чиқиши учун кетчуп бутилкасидан суюқ хамирга дозатор ясаш мумкин.
Бўш пластик бутилка ёрдамида тухум сариғини оқидан ажратиб олиш мумкин. Бутилкани қўлингиз билан қисиб туриб тухум сариғига яқинлаштиринг ва қўлингизни қўйиб юборсангиз тухум сариғи бутилка ичига ўзи жойлашиб олади.
Тунука чой қутичалари шундай чиройли ясалганки, уларни ташлашга кўз қиймайди. Бу қутичаларни уйда хушбўй шамлар учун шамдон қилиш мумкин.
Шоколад конфетлари қутисига эса бўлинмаларининг катталигига қараб ҳар хил майда-чуйдаларни жойлаштириб қўйсангиз ҳам бўлади.
«Тик-так» қутичасидан йўлга чиққанингизда туз, мурч ва бошқа зираворларни олиб юриш учун фойдалансангиз бўлади.
Изоҳ (0)