АҚШ мудофаа вазири лавосимига номзод бўлган денгиз пиёда қўшинлари фахрийси, генерал Жеймс Мэттис Россияни Америка учун асосий хавф деб атади. Худди шундай фикрни Марказий разведка бошқармаси раҳбарлигига даъвогарлик қилаётган республикачи Майк Помпео ҳам билдирди, деб ёзади TJournal.
Пентагоннинг эҳтимолий раҳбари сўзларига кўра, Россия, шунингдек, Хитой ва экстремистлар Иккинчи жаҳон уруши давридан кейин энг катта таҳдид бўлиб ҳисобланади.
Россия томонидан таҳдидларга мисол тариқасида мудофаа вазирлигига номзод, сайловолди кампанияси чоғидаги киберҳужумларни тилга олди. Шунингдек, Мэттиснинг таъкидлашича, Россия бошқа мамлакатлардаги вазиятларни беқарорлаштириш учун маҳаллий низолар тактикасини қўллайди, Путин эса НАТОни парчалашга уринмоқда.
МРБ раҳбарлигига номзод Майк Помпео ҳам разведканинг АҚШдаги киберҳужумларга Россиянинг алоқаси борлиги ҳақидаги баёнотларини асосли деб атади ҳамда Украинадаги вазиятни Россиянинг хавфлилигига мисол қилиб келтирди.
Шу билан бирга, Помпео Россия Европа учун ҳам хавф туғдиришини ва ИШИДга қарши курашда ёрдам бериш учун ҳеч нарса қилмаётганини таъкидлади.
Изоҳ (0)