Обаманинг хайрлашув твити унинг микроблогидаги энг оммабопи бўлди

Барак Обама Twitter’даги АҚШ президентининг саҳифасида қолдирган сўнгги твит @POTUS аккаунти мавжуд бўлган давр ичидаги энг оммабопи бўлди. Хайрлашув твити давлат раҳбари томонидан микроблогда чоп этилган қайдлар орасида энг кўп лайк ва репост йиғди.

«Ҳаммаси учун раҳмат. Менинг сўнгги илтимосим худди биринчиси каби. Мен сизлардан менинг ўзгаришларни юзага келтириш қобилиятимга эмас, ўзингизникига ишонишингизни сўрайман», — деб ёзди Обама.

Thank you for everything. My last ask is the same as my first. I'm asking you to believe—not in my ability to create change, but in yours.

— President Obama (@POTUS44) January 11, 2017

Айни пайтга қадар твит 800 мингдан ортиқ марта ретвит қилинди ва 1,6 миллиондан кўпроқ лайк тўплади.

Барак Обама Twitter’даги шахсий аккаунтини POTUS (President of the United States) ники остида 2015 йил майида очди. 2017 йил январь ҳолатига кўра, давлат раҳбарини 13,3 миллион киши ўқиб боради.