АҚШ президенти Барак Обама оиласининг ити давлат раҳбарининг қароргоҳига меҳмон бўлиб келган қизни тишлаб олди, деб хабар бермоқда TMZ.
Нашрнинг маълумотларига кўра, ҳодиса 9 январь, душанба куни юз берган. Президент оиласининг дўсти бўлган 18 ёшли қиз Санни лақабли итга яқинлашган ва уни ўпмоқчи бўлган, ит эса қизнинг юзидан тишлаб олган. Эълон қилинган фотосуратда қизнинг ўнг кўзи остида қонаётган жароҳат кўриниб турибди.
Президент оиласининг шифокори қизнинг жароҳатини текшириб кўргач, уни тикишга қарор қилди.
Таъкидланишича, бундай ўзини тутиш президентнинг ити мансуб бўлган португал сув итлари зотига хос эмас. Давлат раҳбари оиласининг 4 ёшли Саннидан ташқари, 8 ёшли Бо лақабли ити ҳам бор.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)