Ўзбекистон Республикаси ташқи ишлар вазири Абдулазиз Камилов Бирлашган Араб Амирликларининг Тошкент шаҳридаги элчихонасига ташриф буюрди. Бу ҳақда вазирлик матбуот хизмати хабар бермоқда.
Абдулазиз Камилов Афғонистоннинг Қандаҳор шаҳрида содир этилган террорчилик ҳужуми оқибатида БАА гуманитар миссия вакиллари фожиавий ҳалок бўлиши муносабати билан очилган Ҳамдардлик китобига қайд киритди.
БАА муваққат ишлар вакили Рошид ал-Мазруий ҳамдардлик ва далда учун Ўзбекистон томонига самимий миннатдорлик билдирди.
Эслатиб ўтамиз, олдинроқ Ўзбекистон Президенти Шавкат Мирзиёев Бирлашган Араб Амирликлари президенти Шайх Халифа бин Зоид Ол Наҳаёнга таъзия изҳор этилган мактуб йўллаганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)