Ўзбекистон Республикаси Қуролли Кучлари давлат музейида «Ўзбекистон Республикаси Қуролли Кучларига 25 йил» эсдалик нишонларини топширишга бағишланган тантанали маросим бўлиб ўтди, дея хабар берди ЎзА.
Унда Ўзбекистон Республикаси Мудофаа вазирлиги вакиллари, ҳарбий хизматчилар, олий ҳарбий ўқув юртлари курсантлари, маданият ва санъат намояндалари, журналистлар иштирок этди.
Тадбирда Ўзбекистон Республикаси Президенти номидан давлат мудофаа қудратини мустаҳкамлаш ва миллий армия шаклланишига муносиб ҳисса қўшган бир гуруҳ ҳарбий хизматчиларга «Ўзбекистон Республикаси Қуролли Кучларига 25 йил» эсдалик нишони тантанали равишда топширилди.
– Гуруҳ командири нафақат аскарларга раҳбарлик қилиши, балки ўрнак ҳам бўлиши лозим, – дейди сержант Ш.Эгамбердиев. – Мен ҳар куни ўз билимимни янада бойитишга вақт ажратиб, янги техника ва ускуналар, инглиз тилини ўрганмоқдаман. Бу олдимга қўйилган вазифаларни муваффақиятли ҳал этиш ва бошқаларга ҳам кўмаклашиш имконини бераётир. Ушбу эсдалик нишони билан тақдирланганимдан фахрланаман.
Тадбир якунида байрам концерти намойиш этилди.
Изоҳ (0)