Венесуэла Олий суди парламентнинг қатор қарорларини қонуний кучга эга эмас деб эътироф этди

Венесуэла Олий суди Миллий ассамблея (парламент) томонидан яқинда қабул қилинган қарорларни қонуний кучга эга бўлмаган деб эътироф этди. Олий суд баёнотида айтилишича, бу, шунингдек, қонун чиқарувчи органнинг президент Николас Мадурони «давлат раҳбари лавозимини тарк этган» деб ҳисоблаш ҳақидаги қарорига ҳам тегишли, деб ёзади «ТАСС».

«Парламент аъзолари қонун чиқарувчи орган фаолияти тўғрисидаги мамлакат конституцияси томонидан белгиланган низомга нисбатан ҳурматсизлик кўрсатишда давом этаётгани учун, улар қабул қилган қарорлар қонуний кучга эга бўлмаган деб топилади», — дейилади баёнотда.

Шу туфайли Мадурога ҳукумат фаолияти тўғрисидаги йиллик ҳисобот билан ассамблея қаршисида чиқиш қилиш ўрнига, уни Олий суд аъзоларига кўриб чиқиш учун тақдим этиш имконияти берилди.

Аввалроқ Венесуэла мухолифат парламенти президент Николас Мадуро ўз мажбуриятларини бажармагани учун лавозимини тарк этган деб эълон қилган, аммо кейинроқ Венесуэла Олий суди Венесуэла парламенти — Миллий ассамблеянинг ҳеч қандай резолюциялари мамлакат президентининг ўз лавозимидан бўшатилишига олиб кела олмаслигини маълум қилган эди.