Обама: ИШИД йўқ қилинади

Америка президенти Барак Обама ИШИД йўқ қилинишини айтди. Бу ҳақда у Чикагодаги «видолашув» нутқида айтиб ўтди, деб ёзади «Корреспондент.net».

«Биз ўн минглаб террорчиларни, шу жумладан, Усама бин Ладенни йўқ қилдик. ИШИДга қарши биз раҳбарлик қилаётган халқаро коалиция унинг бошлиқларини йўқотди ва ундан ҳудудларининг қарийб ярмини олиб қўйди. ИШИД йўқ қилинади ва Америкага таҳдид соладиганлардан ҳеч бири хавфсизликда бўлмайди», — дея ишонтирди Обама.

«Погонли эркаклар ва аёлларимизнинг ҳамда разведка, ҳуқуқ-тартибот органлари ходимлари ва уларни қўллаб-қувватлаётган дипломатларнинг мислсиз мардликлари шарофати билан, ҳеч қайси террорчилик ташкилоти сўнгги саккиз йил ичида бизнинг ватанимизга қарши бирорта ҳам ҳужумни муваффақиятли режалаштириб, амалга ошира олмади», — деди Америка давлати раҳбари.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.