Таиландда порахўрликда айбдор деб топилган давлат хизматчиларининг фаолияти туфайли етган зарар 1 миллиард бат (28,6 миллион доллар)ни ташкил қилса, улар ўлим жазосига маҳкум этилиши мумкин. Қонунчиликка ўзгартириш киритиш бўйича бундай таклиф Ислоҳотларни бошқариш миллий қўмитаси томонидан маъқулланди, деб ёзади «ТАСС».
Қарорни ёқлаб қўмитанинг 162 аъзосидан 155 нафари овоз берди. Энди ушбу ташаббус кўриб чиқиш учун ҳукумат, парламент ва конституциявий комиссияга йўналтирилади.
Қонунчилик ташаббуси муаллифлари таклифига кўра, етказилган зарар ҳажми 1 миллион батдан (28 минг доллар) ошмаса, 5 йил муддатгача қамоқ жазоси назарда тутилади. 10 миллион батгача (285 минг доллар) зарар учун 10 йилга озодликдан маҳрум этиш таклиф қилинмоқда.
Изоҳ (0)