Таиланд жанубидаги тошқинлар қурбонлари сони 19 кишига етди, яна бир киши дараксиз йўқолган ҳисобланмоқда. Бу ҳақда мамлакат фавқулодда вазиятларни бартараф этиш департаменти маълум қилди, дея хабар беради «ТАСС».
Олдинроқ табиий офат туфайли 12 киши ҳалок бўлгани билдирилганди.
Муассаса раҳбари Чатчай Промлертга кўра, сурункали ёмғирлар туфайли жанубий Таиланднинг 10 провинциясидаги салкам 900 минг киши яшайдиган 4 мингдан ортиқ аҳоли пункти сув остида қолди. Жабрланган чет эл фуқаролари ҳақида хабар берилмади.
Мамлакат метеорология департаменти жанубдаги 13 минтақа, жумладан, сайёҳлар орасида машҳур бўлган Пхукет, Пхангнга ва Краби провинциялари аҳолисини 10 январгача шиддатли ёғинлар ва тошқин эҳтимоли ҳақида огоҳлантирди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)