Tailandda poraxo‘rlikda aybdor deb topilgan davlat xizmatchilarining faoliyati tufayli yetgan zarar 1 milliard bat (28,6 million dollar)ni tashkil qilsa, ular o‘lim jazosiga mahkum etilishi mumkin. Qonunchilikka o‘zgartirish kiritish bo‘yicha bunday taklif Islohotlarni boshqarish milliy qo‘mitasi tomonidan ma’qullandi, deb yozadi “TASS”.
Qarorni yoqlab qo‘mitaning 162 a’zosidan 155 nafari ovoz berdi. Endi ushbu tashabbus ko‘rib chiqish uchun hukumat, parlament va konstitutsiyaviy komissiyaga yo‘naltiriladi.
Qonunchilik tashabbusi mualliflari taklifiga ko‘ra, yetkazilgan zarar hajmi 1 million batdan (28 ming dollar) oshmasa, 5 yil muddatgacha qamoq jazosi nazarda tutiladi. 10 million batgacha (285 ming dollar) zarar uchun 10 yilga ozodlikdan mahrum etish taklif qilinmoqda.
Izoh (0)