BoxRec талқини бўйича Ўзбекистоннинг энг яхши профессионал боксчиси Қудратилло Абдуқаҳҳоров ҳамда ушбу рейтингда 3-ўринни эгаллаб турган Азизбек Абдуғофуров 7 январь, шанба куни Малайзиянинг Жохор шаҳрида бўлиб ўтадиган Johor International Boxing Championship 2017 (JIBC) бокс кечаси доирасида рингга кўтарилди.
«Sports.uz» нашрининг маълум қилишича, Азизбек Абдуғофуров (4−0−0, 4 КО) профессионал рингдаги тўртинчи жангида тажрибали индонезиялик Александер Бажавига (41−3−4, 14 КО) қарши рингга кўтарилди. WBC версияси бўйича Осиё чемпиони саналган Ўзбекистон вакили саккиз раундга мўлжалланган жангнинг иккинчи раундида кучли зарба билан рақибини нокаутга учратди.
BoxRec талқини бўйича Ўзбекистоннинг энг яхши профессионал боксчиси Қудратилло Абдуқаҳҳоров тўққизинчи жангини филиппинлик Ромео Жакосалемга қарши ўтказди. Саккиз раундга мўлжалланган беллашувда ўзбекистонлик 23 ёшли боксчи бешинчи раундда рақибини нокаутга учратди.
Маълумот учун, BoxRec профессионал боксчиларнинг натижасини янгилаб борадиган Британиянинг нуфузли ресурс ҳисобланади. Аксарият промоутер, менежер ва боксчилар ушбу рейтингга асосланади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)