Футбол бўйича Англия Премьер-Лигасининг 20-туридан кейин «Халл Сити» футбол клуби ҳам бош мураббийини истеъфога чиқарди, деб ёзди «Sports.ru».
Майк Фелан «Манчестер Юнайтед» клуби шарафини 1989—1994 йилги мавсумлар давомида ҳимоя қилган ва 102 та учрашувда майдонга тушган. Мураббийлик фаолиятининг асосий қисмини ҳам Фелан «Юнайтед»да ўтказди. Аввалроқ академия клубларида, кейин эса биринчи жамоада ёрдамчи сифатида фаолият олиб борди.
У 2016 йилги мавсум олдидан «Халл Сити» бош мураббийи сифатида таништирилганди. Ишдан кетиши учун эса 20 та тур етарли бўлди. Боиси шунча турдан кейин «йўлбарслар» 20 та жамоа иштирок этадиган турнир жадвалида 20-жамоа бўлиб турибди.
Янги йил арафасида америкалик Боб Брэдлига чиқиш эшикларини кўрсатиб қўйган «Суонси» эса Пол Клементни бош мураббий сифатида таништирди. «Бавария»да Карло Анчелоттига ёрдам бериб келаётган Пол Клемент Уэльс клуби билан 2,5 йиллик шартномага имзо чекди. Қайд этиш керак, «Суонси» америкалик Боб Брэдлини 3 ой деганда истеъфога чиқарганди.
Пол Клемент Карло Анчелотти билан бир неча йиллардан буён фаолият олиб боради. Жумладан у италиялик мутахассисга «Челси», «ПСЖ», «Реал Мадрид» клубларида ҳам ёрдам берганди.
«Кристал Пэлас»га 3 тур аввал янги бош мураббий сифатида олиб келинган Сэм Эллардайс 20-турдан кейин асабларини жиловлай олмади ва чемпионат тақвимини тузганларни аёвсиз танқид қилди.
Тақвимни ким тузган билмадим-у, лекин уни ишдан йўқотиш керак.Эллардайснинг ташрифидан кейин «Кристал Пэлас» илк ўйинда «Уотфорд» билан 1:1 ҳисобида дуранг ўйнаган, ўша учрашувда Кристиан Бентеке пенальтидан гол ура олмаганди. Кетидан эса лондонликлар икки бор мағлуб бўлди. Аввалига «Арсенал», кетидан эса «Суонси»га.Сэм Эллардайс, «Кристал Пэлас» бош мураббийи
Уэльс клубини бу ғалаба сўнгги ўриндан бир поғона юқорига олиб чиқди. Натижада «Халл Сити» сўнгги поғонага тушди. Оқибатда «Халл Сити» бош мураббийи ишдан кетди. Якунда Сэм Эллардайс кимнинг ишдан бўшаши кераклигини тушунтириб берди.
Изоҳ (0)