Янги Зеландиянинг Окленд шаҳрида бизнесмен ундан қарзи бўлган кафе остонасига 40 тонна балчиқ тўкиб кетди. Бу ҳақда «Stuff.co.nz» нашри хабар бермоқда.
Ер қазиш ишлари ва юк ташиш билан шуғулланувчи икки компаниянинг бошқарувчиси Барри Харт кафе у ва унинг ҳамкорларига биноларни бузиш ва канализация ўтказиш хизматлари кўрсатганлиги учун ҳақ тўламаганлигини маълум қилган. Қарз суммаси 88 минг Янги Зеландия долларига (60 минг АҚШ доллари атрофида) етган.
Ноябрь ўртасида Харт қарзни тўлаш кераклиги ҳақида сўнгги марта кафе эгасини огоҳлантирган, бироқ қарз қайтарилмаган. Олти ҳафта ўтиб у кафега ёқимсиз ҳидли балчиқ юкланган тўртта самосвални юборди. Бундан ташқари, Харт бино остидан ўтказилган канализацияни демонтаж қилишга ваъда берди. Агар бу ҳам таъсир қилмаса, у қарздорга лой ташишни давом эттиради.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)