Актриса Шаҳзода Матчонова шахсий ҳаёти интернет фойдаланувчилари томонидан тинмай муҳокама қилинаётганидан чарчаган шекилли, Facebook’даги саҳифаси орқали уларга ўзига хос жавоб қайтарди. Бу ҳақда «Darakchi.uz» хабар бермоқда.
Актриса 25 ноябрь куни турмушга чиққан эди. Актриса турмуш ўртоғи санъатнинг бошқа йўналишида ишлашини айтган, бироқ бошқа маълумотларни ошкор қилмаган эди. Тўй арафасида тарқатилган таклифномаларни куёвнинг исми Омар экани маълум бўлди.
Бироқ кейинроқ Шаҳзода Матчонованинг турмуш ўртоғининг исми аслида Омар эмас, балки Музаффар экани, у санъат соҳасида эмас, балки футболчи сифатида фаолият юритиши, кўп йиллардан бери Туркияда истиқомат қилиши ҳақида хабарлар тарқатилди.
Барча гап-сўзларга жавобан актриса истеҳзоли жавоб қайтарди.
«Ойи, қўшнимиз кимга уйлангани, танишим ким билан учрашиши, ҳалиги клипмейкернинг хотини кеча қанақа кийимда эканлиги, бировнинг пули бор-йўқлиги, мен ҳақимда ёмон фикрлайдиган аёлнинг ўтмиши нега менга барибир? Нимага ўзининг собиқ севгилиси ҳақида ёмон гапларни гапирадиган одамлар билан ишим йўқ?», — деб ёзди актриса.
«Менга кимнинг нимада юриши, бирор инсоннинг турмуш тарзи, унинг дини, миллати, касби умуман қизиқ эмас, барибир; мен ҳеч қачон ҳеч кимни гапирмайман, муҳокама қилмайман, ойи... Бу мен Худодан қўрққаним учунми ёки сиз мени шундай тарбиялаганмисиз, ойи?», — деб қўшимча қилди Шаҳзода Матчонова.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)