Sony Music компаниясининг Twitter’даги саҳифасида поп-хонанда Бритни Спирс ҳаётдан кўз юмгани ҳақидаги икки твит жойлаштирилди. Бу ҳақда «Корреспондент.net» хабар бермоқда.
Улардан бирида хонанданинг исми ва «1981—2016» ёзуви акс этган бўлса, иккинчисида «Бритни Спирс бахтсиз ҳодиса туфайли ҳалок бўлди. Яқин орада бу ҳақда кўпроқ маълумот берилади», дейилган.
Кўп ўтмай Sony Music ўз саҳифасидан мазкур твитларни олиб ташлади.
«Уларнинг аккаунти кимдир томонидан бузилганини тахмин қилиш мумкин. Ҳеч ким билан мулоқотда бўлганим йўқ, бироқ шундай эканлигига ишончим комил. Бритни ўзини яхши ҳис этяпти, ҳаммаси жойида», — дея маълум қилди хонанданинг расмий вакили Адам Лебер.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)