Ҳиндистоннинг Уттар-Прадеш штатида поезд издан чиқиб кетиши туфайли 2 киши ҳалок бўлди, 43 киши жароҳатланди

Ҳиндистон шимолидаги Уттар-Прадеш штатида поезднинг 15 вагони издан чиқиб кетиши туфайли камида 2 киши ҳалок бўлди, 43 киши жароҳатланди. Бу ҳақда «Интерфакс» хабар бермоқда. 

Маҳаллий ОАВларга кўра, барча жабрланганлар касалхонага етказилди. Авария сабаблари аниқланмади, ҳодиса жойида қутқарув ишлари олиб борилмоқда. 

Юз берган воқеа Ҳиндистон темир йўлларидаги ҳафта мобайнида қайд этилган учинчи шундай ҳолат экани билдирилмоқда. Ўтган ойда Уттар-Прадеш штатида поезд издан чиқиб кетиши оқибатида 146 киши ҳалок бўлганди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.