Англиянинг «Кристал Пэлас» клуби истеъфога чиқарилган Алан Пардьюнинг ўрнини Сем Эллардайсга ишониб топширди. Жамоа расмий сайти мутахассис билан 2,5 йиллик шартнома имзолангани ҳақида хабар берди.
Аввалроқ Сэм Эллардайс коррупция можаросига аралашиб қолиб, Англия миллий терма жамоасидаги курсисини бўшатиб қўйганди. Эндиликда унинг вазифаси мавсумни кўнгилдагидек бошлай олмаган «Кристал Пэлас»ни оёққа турғазиш бўлади.
«Кристал Пэлас» якунига етган 17-турдан кейин Англия Премьер-Лигасида 17-ўринни эгаллаб турибди. «Бургутлар» 26 декабрь куни «Уотфорд» майдонида меҳмон бўлади ва ўша учрашув Сэм учун клубдаги дебют саналади.
62 ёшли Сэм Эллардайс учун бу Премьер-Лигада тўп сурадиган олтинчи жамоа бўлди ва у бу борада яққол рекордчига айланди. Ҳозирга қадар ҳеч бир мутахассисга Англия элитасининг олти клубини бошқариш насиб қилмаганди.
Изоҳ (0)