Angliya futbol uyushmasi (FA) korrupsiya mojarosidan so‘ng mamlakat terma jamoasi bosh murabbiyi Sem Ellardaysni o‘z lavozimidan ozod qildi. Bu haqda, Sky Sports’ga tayanib, “TASS” xabar bermoqda.
Avvalroq Britaniyaning The Telegraph nashri Angliya futbolida korrupsiya va poraxo‘rlik dalillarini topishga qaratilgan 10 oylik maxsus surishtiruvida 61 yoshli mutaxassisning korrupsiyaga aloqadorligi fosh etgandi.
FA raisi Greg Klark va tashkilotning ijrochi direktori Martin Glenn chop etilgan so‘nggi ma’lumotlardan keyin 27-sentabr, seshanba kuni “Uembli” stadionida Ellardaysning bo‘lajak taqdirini hal qilish yuzasidan favqulodda yig‘ilish o‘tkazdi.
Eslatib o‘tamiz, The Telegraph nashrining surishtiruvi davomida Ellardays o‘z lavozimi va aloqalaridan foydalanib, “biznesmenlar”ga Angliya klublari transferlaridan daromad olishga yordam berishga rozi bo‘lgan va xizmati uchun uchun 400 ming funt sterling so‘ragan edi.