Ўзбекистон Президенти Шавкат Мирзиёев 23 декабрь, жума куни халқ депутатлари Жиззах вилояти кенгашининг навбатдан ташқари сессиясида иштирок этди. Бу ҳақда «Газета.uz» хабар бермоқда.
Давлат раҳбари ўз нутқида маҳаллий мутасаддиларни вилоятда кўплаб муаммолар йиғилиб қолгани учун танқид қилди. Хусусан, экспорт ва инвестицияларни жалб қилиш бўйича прогноз кўрсаткичлари бажарилмагани таъкидлаб ўтилди.
Сайфиддин Исмоилов бошқа ишга ўтиши муносабати билан Жиззах вилояти ҳокими лавозимидан озод қилинди.
Президент таклифи билан Улуғбек Узоқов вилоятнинг янги ҳокими этиб тайинланди. У бунга қадар Вазирлар Маҳкамаси департаментларидан бирини бошқарган.
Эслатиб ўтамиз, сентябрь ойида вилоят маъмурий маркази Жиззах шаҳрига муқаддам Тошкент шаҳар ҳокими лавозимида фаолият кўрсатган Абдуқаҳҳор Тўхтаев ҳоким этиб тасдиқланганди.
Изоҳ (0)