Америкалик рассом Нив Баварски BeutlerInk компанияси учун 2016 йилнинг 127 ҳодисаси акс этган суратни (катта ўлчамда) тайёрлади. Бу ҳақда TJournal хабар бермоқда.
Суратда йилнинг спорт, сиёсат ва шоу-бизнесга дахлдор муҳим лаҳзалари акс этган. Bird In Flight’нинг ёзишича, суратда «Оскар» олган Леонардо Ди Каприони, Бредд Питт ва Анжелина Жоли, Дональд Трамп, покемонлар ва бошқа кўплаб персонажларни учратиш мумкин.
Иллюстрациянинг пастки чап бурчагидан 2016 йилда вафот этган машҳурлар — актёр Алан Рикман, қўшиқчи Дэвид Боуи, боксчи Муҳаммад Али ва бошқалар ўрин олган. Суратнинг ўнг бурчаги сиёсий воқеаларга бағишланган. Унда Дональд Трамп, Ҳиллари Клинтон, Дэвид Кэмерон ва СССР герби туширилган қалпоқ кийган Владимир Путинни кўриш мумкин.
BeutlerInk сайтида рассом томонидан суратда акс эттирилган барча воқеаларнинг батафсил тавсифи келтирилган.
2015 йили компания буюртмасига биноан бошқа бир рассом — Люк МакГарри худди шу ишни амалга оширган эди: у бир суратда йилнинг кўплаб воқеаларини акс эттирганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)