Лозаннада жойлашган Халқаро Арбитраж Суди Мадриднинг «Реал» клуби томонидан келиб тушган даъво аризасини қисман қондирди. Бу ҳақда «Sports.ru» хабар берди.
Вояга етмаган футболчилар билан шартнома имзолаш низомларига риоя қилмагани учун ФИФА Мадриднинг икки клуби — «Реал» ҳамда «Атлетико» учун трансфер бозорининг кетма-кет икки эшикигини ёпиб қўйганди. Унга кўра, ҳар икки клуб 2018 йилга қадар ўз сафига янги футболчи қўша олмасди.
Вазиятни атрофлича ўрганиб чиққан Арбитраж Суд «Реал»нинг жазосини енгиллаштирди. «Қироллик клуби» январдан буён очиқ турадиган трансфер бозорида иштирок этмайди. Бироқ келаси мавсум олдидан ўз сафини янги футболчилар билан тўлдириши мумкин.
ХАС «Реал»нинг даъво аризасини қисман қондиргани «Реал» раҳбариятининг норозилигига сабаб бўлди. «ХАСга ФИФА томонидан қўйилган тақиқни бутунлай олиб ташлаш учун куч етмади, бу эса клуб ҳафсаласини пир қилди», — деб ёзилган «Реал» баёнотида.
Маълумот учун, ФИФА «Реал» ва «Атлетико» клубларига тақиқни сентябр ойида эълон қилганди. 2014 йилги мавсум бундай ҳолга Каталониянинг «Барселона» клуби ҳам тушиб қолган, бироқ жамоа ХАСга берган даъво аризасига ижобий жавоб олмаганди.
Изоҳ (0)