Дунёдаги энг йирик музликлардан бири, Тоттен эрий бошлади, дея хабар бермоқда National Geographic. Муз ҳажмининг кичрайиши динамикасини олимлар 2008 йилдан буён қайд этмоқда.
Тоттен Шарқий Антарктида муз қобиғининг бир қисми ҳисобланади. Дастлабки ўлчовларга кўра, музлик 538 минг квадрат километр майдонни эгаллаган. Аммо Дунё океани ҳароратининг кўтарилиши натижасида Антарктида муз қатлами юпқалашмоқда.
Олимлар сувдан намуна олди, унинг ҳароратини ўлчади, шунингдек, ўтган ўн йил ичида сунъий йўлдошдан олинган суратларни ўрганди. Океан оқими Тоттенга илиқ сувларни оқизиб келиши аниқланди, бу эса унга катта таъсир ўтказади.
Жараённи ортга қайтариб бўлмайди: Тоттен камида 2008 йилдан буён эримоқда. Ўзгаришлар динамикасини моделлаштириб, мутахассислар келаси йилдаёқ у ўн метрга юпқалашиши ва ўз массасининг 63—80 миллиард тоннасини йўқотишини прогноз қилмоқда.
Агар музлик тўлиқ эриб бица, океан сатҳи 3,5 метрга кўтарилади, ва бу глобал фалокатга айланади: дунёнинг кўплаб мамлакатлари сув остида қолади. Шу билан бирга, жараён содир бўлиши учун бир неча юз йил талаб қилинади, шунинг учун инсоният вазиятга тайёрланиши учун вақт бор.
Изоҳ (0)