Motorola’нинг Ўзбекистон Республикасидаги ягона авторлаштирилган дилери — Radiocom компанияси семинарида ноқонуний рациялар тарқалишига қарши кураш муҳокама қилинди.
Яқинда Тошкентдаги «Пойтахт» бизнес-марказида Motorola Solutions’нинг Ўзбекистон Республикасидаги ягона авторлаштирилган дилери — Radiocom компанияси реселлерлари учун семинар-тренинг бўлиб ўтди. У реселлерларга мижозлар билан янада самаралироқ ишлаш ва ноқонуний келтирилган радиостанциялар тарқалишига қарши курашиш учун консультация мақсадида ўтказилди.
Radiocom компанияси координатори Мирвоҳид Жабборов ноқонуний равишда келтирилган радиоускуналар савдосига қарши кураш мавзусини кўтарди. У фақат сертификатланган радиостанцияларни сотиб олиш муҳимлигини таъкидлади, чунки шундагина харидорда қонун билан боғлиқ ҳеч қандай муаммолар бўлмайди, ўзлари сотиб олаётган радиостанциялар учун ишлаб чиқарувчининг заводи томонидан кафолат бўлади.
Семинарда радиостанцияларни келтириш ва ишлатишнинг қонунга мувофиқлиги масалалари ёритилди. Бу ҳақда давлат ташкилотлари, муассасалар ва хизматлар вакиллари гапириб берди, шунингдек, реселлерларнинг барча саволларига жавоб берди.
Семинарнинг асосий ғояси радиостанциялар қонунийлиги ва улардан фойдаланиш қоидалари масаласи бўлди. Чунончи, масалан, лицензияланмаган радиостанцияларни бутунлай эркин тарзда ишлатиш мумкин. Лицензияланмаган дегани — Европанинг PМR446 стандартига мос келувчи: бундай рацияларнинг рухсат берилган қуввати 0,5 Вт дан ошмайди, ишлаш частотаси эса 446—446,1 МГц диапазонида бўлади. Ушбу стандарт дунёнинг кўплаб мамлакатларида қабул қилинган ва бизнеснинг кўпчилик турлари талабларига тўлиқ жавоб беради. Бундай алоқа воситасининг радиуси 10 километргача етиши мумкин.
Ушбу стандарт доирасидан чиқадиган хусусиятга эга радиостанциялар профессионал деб аталади ҳамда фойдаланиш учун частота ва алоҳида лицензия талаб қилади. Электромагнит мослик маркази (ЭМММ) ва Давлат алоқа инспекцияси (ДАИ) радиоалоқанинг ноқонуний тарзда қўлланилиши юзасидан доимий равишда мониторинг ва рейдлар ўтказади.
Агар ЭМММ профессионал рациялар лицензиясиз ишлатилиши ҳолатини аниқласа, — бу «Радиоэлектрон воситалар ва юқори частотали қурилмалардан фойдаланиш тартиби тўғрисида»ги қонуннинг бузилиши ҳисобланади. У ҳолда қурилма эгаси Ўзбекистон Республикасининг Маъмурий кодекси 152-моддасига кўра жавобгарликка тортилади: ундан қурилма мусодара қилинади ва энг кам иш ҳақининг уч бараваридан ўн бараваригача жаримага тортилади.
Шуниси эътиборга лойиқки, 2016 йил бошидан буён жорий чораккача божхона ходимлари умумий қиймати 9 миллион 369 минг сўмга тенг 95 та радиостанциянинг ноқонуний олиб кирилиши билан боғлиқ 17 та ҳолатни аниқлашга улгурди. Натижада, улар бўйича битта жиноий ва 15 та маъмурий иш қўзғатилди. Кўпчилик ҳолларда одамлар шунчаки чет элда радиоқурилмани сотиб олиб, бунинг учун махсус рухсатнома кераклигини билмаган ҳолда, мамлакатга олиб киришга уринади.
Семинар якунларига кўра, иштирокчилар радиостанцияларни ноқонуний равишда келтириш ва ишлатишга қарши курашнинг муҳимлиги бўйича бир фикрга келди, зеро радиоалоқа ҳам фуқаролик, ҳам ҳарбий мақсаддаги алоқа воситаси бўлгани туфайли, давлат манфаатларига бевосита зарар етказади.
Семинарда ЭМММ, ДАИ, Давлат божхона қўмитасининг контрабандага қарши кураш бош бошқармаси, Радиочастоталар бўйича давлат комиссияси каби турли давлат ташкилотлари ва муассасалар вакиллари қатнашди. Anico компанияси бош директори Жозеф Девеньий, Motorola радиостанциясининг Россия ва МДҲдаги дистрибуцияси бўйича менежер Максим Гаврилин ҳамда Motorola’нинг Марказий Осиё, Озарбайжон ва Грузиядаги шериклик тармоғи раҳбари Валерий Мороз тадбирнинг махсус меҳмонлари бўлди.
Реклама ҳуқуқи асосида
Изоҳ (0)