Наманганда Интеллектуал хизматлар маркази иш бошлади. Марказ Vodiy Media нашриёти, «Vodiymedia.uz» электрон газетаси, веб-дизайн ва дастурий таъминот хизмати, продюсерлик студияси ва таржима хизматини ўз ичига олди. Бу ҳақда «Дарё» мобил мухбири хабар бермоқда.
— Vodiy Media Фарғона водийсидаги илмий адабиётларни чоп этиш ҳуқуқига эга биринчи хусусий нашриёт ҳисобланади. Унда хорижий тилларда ҳам рисола ва қўлланмалар чоп этиш режалаштирилмоқда, — дейди жамият раҳбари Дилмурод Жумабоев. — «Vodiymedia.uz» водийда юз бераётган янгиликларни тезкор, холис ва ҳаққоний ёритиб боришни ўз олдига мақсад қилиб қўйган.
Веб-дизайн ва дастурий таъминот хизмати ташкилот, муассаса ва бизнес субъектларининг веб-сайтлари ва уларнинг мобил версияларини яратиш, таржима хизмати инглиз, немис, француз, турк, рус тилларига ва бу тиллардан ўзбекчага илмий ва ўқув адабиётлар, назмий ва насрий асарлар, мақолалар, турли аудио-видео материаллар таржимасини амалга оширади.
Продюсерлик студиясида эса роликлар, лавҳалар ва ҳужжатли фильмлар тайёрлаш, уларни телевидение ва интернет тармоғида жойлаштириш мўлжалланмоқда.
Қайд этиш жоизки, янги марказ иш бошлаши билан ўндан зиёд янги иш ўрни яратилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)