Регби бўйича Италия «C» серияси диорасидаги «Касалмагиоре» ва «Валле Камоника» клубилари ўртасидаги ўйинда инсонийлик фазилатлари намоён бўлган ҳолат юз берди. Воқеа ҳақида Метро ҳикоя қилди.
Ҳодиса Италия шимолида содир бўлди. «Касалмагиоре» аъзоси Микеле Преведелло жароҳат олганидан сўнг уни шифохонага элтиб қўйиш учун тиббий ёрдам машинаси келди. Бироқ шифохона томон йўл олишга отланган машина лойда тиқилиб қолди.
Шундан сўнг ҳар икки жамоа аъзолари автомобилни лойдан чиқаришга кўмаклашди ва тиббий ёрдам машинаси ўз йўлида давом этди.
Учрашув 27:25 ҳисобида жароҳат олган регбичининг жаомаси фойдасига ҳал бўлди. Ўйиндан сўнг «Касалмагиоре» клубининг Facebook’даги саҳифасида қуйидаги мурожаат пайдо бўлди.
«Микеле Преведеллонинг аҳволи яхшиланмоқда. У кўпроқ дам олиши керак. Мавсум якунида уни яна майдонда кўрамиз. Ажойиб ва рақобатбардош учрашув бўлди. Энг асосийси эса барча ташвишларни бир зумда унутиш учун ёрдам берган илҳомлантирувчи ҳолат юз берди. Дўстимиз ‘Валле Камоника’га раҳмат!», – дейилади хабарда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)