Ўта кам энергия сарф қилувчи пассив Wi-Fi яратилди

Вашингтон университети мутахассислари Wi-Fi узаткичлар энергия истеъмолини 10 минг марта қисқартирадиган технологияни ишлаб чиқди, деб ёзади «Hi-tech.mail.ru». Бундай рекорд кўрсаткичга рақамли ва аналогли операцияларни ажратган ҳолда эришишди.

Wi-Fi қурилмаларнинг нисбатан юқори энергия истеъмолига аналогли операциялар сабабчидир. Ва агар уй роутерида қўшимча энергия истеъмоли сезилмаса, унда смартфонда Wi-Fi аккумулятор қувватининг асосий «емирувчиси» ҳисобланади, йирик тармоқли инфратузилмаларда ҳам бунга кўп энергия сарфланади.

Пассив Wi-Fi узаткичда рақамли ва аналогли операцияларга турли модуллар томонидан ишлов берилади. Алоҳида аналогли узаткич сигнални узатади, у сўнгра ютилади ва анча кам қувватда ишлайдиган рақамли ўтказгичлардан фойдаланган ҳолда акс этттирилади ва стандарт пакетлар кўринишида узатилади.

Пассив компонентлар сигнални акс эттиради, аммо энергия сарф қилмайди.

Тадқиқотчилар таъкидлашича, пассив Wi-Fi фаолига қараганда 10 минг марта камроқ энергия талаб қилади. Бундан ташқари, унинг энергия сарфи Bluetooth LE ёки ZigBee’ларга нисбатан минг марта камроқ.