Ўзбекистонда мамлакатни 2017—2021 йилларда ривожлантириш стратегияси ишлаб чиқилмоқда. Бу ҳақда Ўзбекистон Президенти Шавкат Мирзиёев Олий Мажлис палаталарининг қўшма мажлисида маълум қилди, дея хабар беради UzDaily.
«Биз Ўзбекистонни 2017—2021 йилларда ривожлантириш стратегиясини ишлаб чиқишга киришдик. Унинг лойиҳаси умумхалқ муҳокамаси учун эълон қилинади», — дея таъкидлади Президент.
Давлат раҳбарига кўра, дастур беш асосий йўналиш — давлат бошқаруви ва суд-ҳуқуқ тизимининг модернизацияси, иқтисодиётни либераллаштириш, ижтимоий сектордаги ислоҳотлар ва ташқи сиёсат тамойилларини ўз ичига олади.
Шавкат Мирзиёев ҳукумат фаолияти самарадорлигини ошириш ва мақбуллаштириш мақсадида Вазирлар Маҳкамаси ижро тизими жиддий тарзда ўзгартирилишини билдирди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)