Режиссёр Акбар Бектурдиев томонидан суратга олинган ва премьераси 1 декабрь куни бўлиб ўтган «Вирус» фильми дастлабки тўрт кунлик намойишдан сўнг энг кассабоп ўзбек фильмлари рейтингида иккинчи бўлди.
Журналист Феруз Муҳаммаднинг Алишер Навоий номидаги киносарой маълумотларига асосланиб маълум қилишича, ҳафталик рейтингда ҳамон режиссёр Баҳром Ёқубовнинг «Бойвачча куёв» кинокомедияси етакчи — бу фильм кетма-кет еттинчи ҳафта энг кўп томошабин тўплаган миллий фильм бўлди.
28 ноябрь — 4 декабрь оралиғидаги кинорейтингда «Бойвачча куёв» ва «Вирус»дан кейинги ўринларни Азамат Аҳроровнинг «Нотаниш қотил», Шерзод Биннинг «Қайсар ошиқлар», Науфал Сулаймоновнинг «Алдагани қуда яхши» фильмлари банд этган.Маълумот учун, ҳозирда Алишер Навоий номли киносаройда «Нотаниш қотил», «Қайсар ошиқлар», «Алдагани қуда яхши», «Кутилмаганда бузилган тўй», «Бойвачча куёв», «Ишқ», «Бой бўлма, сахий бўл», «Вирус» каби фильмлар намойиши давом этмоқда.
Фильмлар намойишлари жадвали билан «Дарё.Афиша»да танишиш мумкин.
28 ноябрь — 4 декабрь оралиғида энг кўп томошабин тўплаган ўзбек фильмлари
1-ўрин. «Бойвачча куёв» (комедия)Режиссёр — Баҳром Ёқубов2-ўрин. «Вирус»Режиссёр— Акбар Бектурдиев
3-ўрин «Нотаниш қотил» (жангари)Режиссёр — Азамат Аҳроров
4-ўрин. «Қайсар ошиқлар» (комедия)Режиссёр — Шерзод Бин
5-ўрин. «Алдагани қуда яхши» (комедия)Режиссёр — Науфал Сулаймонов
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)