Италиялик хонанда Аль Бано юрак хуружи туфайли шошилинч операцияни бошидан ўтказди. Бу ҳақда «ТАСС» хабар бермоқда.
Қўшиқчи Римда ўтказиладиган Рождество концерти репетицияси чоғида ўзини нохуш ҳис этди. Натижада Италия пойтахтидаги касалхоналардан бирида 73 ёшли Аль Банога стентлар қўйилди. У энди ўзини яхши ҳис этаётгани, яқин орада касалхонадан чиқишга умид қилаётгани ва ҳозирча концертларини бекор қилмагани билдирилмоқда.
Келгуси йил бошида Аль Бано собиқ турмуш ўртоғи ва саҳнадаги шериги Ромина Пауэр билан Германияда концерт бериши лозим. У Ромина билан салкам 20 йиллик танаффусдан сўнг икки йил аввал Москвадаги концертда бирга иштирок этганди.
Изоҳ (0)