Франциянинг Ивелин департаментидаги Мант-ла-Жоли шаҳрида камида 3 минг киши эвакуация қилинди, бунга у ердан Иккинчи жаҳон уруши даврига тегишли бомба топилгани сабаб бўлди, деб ёзади «Интерфакс» маҳаллий ОАВларга таяниб.
Ичида 200 кг портловчи моддалари бўлган 500 килограммлик бомба қурилиш объектларидан бирида аниқланган.
Уни 8 декабрь куни кечгача зарарсизлантиришга муваффақ бўлишган. Сапёрлар ишлаётгани туфайли, темирйўл ҳаракати вақтинча тўхтатиб қўйилган. Шунингдек, яқин орадаги ўнлаб кўчалар ёпиб қўйилган. Эвакуация қилинган фуқаролар шу куни тунда уйларига қайтган.