Steampunk Tendencies нашри 19 аср ўрталарига тегишли қиролларнинг қаҳва қайнатувчи асбоби қандай ишлашини кўрсатиб берувчи видеони эълон қилди, деб ёзади TJournal.
Видеода жаранглаган изоҳларга кўра, асбоб мувозанатлашган сифон (юқорироқдаги идишдан пастроқдаги идишга суюқлик ўтказадиган букик найча) принципи бўйича ишлайди. У горелка ҳамда найча орқали бирлаштирилган иккита идишдан иборат (бири шиша, иккинчиси металл). Шиша идишга қаҳва солинади, герметик металл идишга эса сув қуйилиб, горелка ўрнатилади. Сув қайнаб, баланд босим туфайли найча орқали шиша идишга оқиб туша бошлайди.
Бир идишдан иккинчисига оқиб ўтиш жараёнида сув бир неча даражага совийди. У тўлиқ шиша идишга оқиб тушгач, горелка ўчади. Совиётган металл идишда босим пасаяди ва вакуум ҳосил бўлади, у дамланган қаҳвани қайтадан тортиб олади.
Шундан сўнг металл идишдаги кранчани очиб, қаҳвани финжонга солиш мумкин. Идишнинг герметиклиги ва фильтрнинг йўқлиги туфайли, қаҳвага бошқа ёқимсиз таъмлар аралашиб қолмайди.
Изоҳ (0)